政情：馬路變停車場 李月民嘆要自救

李月民話近月天水圍好似免費停車場，交通燈位同行人過路處都被阻塞，對駕駛者同行人都造成危險，而佢呢一個月多次去信警署要求跟進處理，認為唔能夠唔執法，更應該即刻搵人抄牌先正路囉。經過兩個月不斷投訴，佢終於見到執法人員抄牌，不過當晚已經打回原形，所以佢都明言要持之以恒。

居民寫字條提司機泊後啲

正常途經解決唔到違泊問題，李月民就嘆市民惟有自救，好似早前有居民為保護仔女，自發寫上字條，指車身太高阻到行人視線，仲因而差啲被撞，提醒車主要泊後啲囉。