上水符興街一向人多車多,有讀者報料話侯太尋日朝早就喺嗰度畀一輛新界的士撞倒。我哋問過侯強,佢亦都證實事件,不過佢當時並唔喺現場,而喺事發地點附近飲茶,聽到太太出事嘅電話都嚇親,幾分鐘內仆到去現場,好彩太太只係整親隻腳屬小事,當堂放心晒。
話放過司機 當做件好事
侯強仲話太太傷勢唔重,毋須入醫院,費事去一去搞成日咁煩,自己搵醫生睇一樣搞得掂。佢又勞氣地話的士佬顧住搵食擒擒青,不過最緊要人無事,健康先重要,所以費事追究涉事司機當做件好事,而現時都會特別照顧太太咁話。今次侯太算係不幸中嘅大幸,希望佢早日康復喇!