香港經濟一直受中美貿易戰影響，加上近來成個社會立立亂，仲有國際評級機構將香港信貸評級下調，真係諗都諗到商界有幾咁愁。香港中華廠商聯合會行政總裁楊立門尋日出席電台節目時，就形容廠家依家「吊命」，如果執笠，可能要蝕番過去十幾年賺嘅錢，貿易戰開始後，政府多項基金嘅使用率都增加咗，佢希望政府提早向企業批出貸款咁話。講真嗰句，商務及經濟發展局局長邱騰華應該盡快跟進吓，啲廠家真係等住啲錢捱過呢關o架！
