政情：今日你上鏡：林博周街派神器教執便便
依家好多商業機構或者品牌，都好鍾意喺街邊派吓紙巾、紙扇等做宣傳，而九龍城區議員林博都唔例外，尋日仲親自擺街站派神器，仲教埋點用添！係乜嘢神器咁巴閉呀？
幫街坊解決狗狗去廁所問題
林博喺網上直播，話好多街坊都有養寵物，亦會帶狗狗出街散步，但搵唔到狗狗廁所或便便收集箱，就會好麻煩，唔知點算好？所以佢就幫街坊諗咗個方法。
佢拎咗個狗狗大便神器出嚟，仲即場教大家點用，先係將卷膠袋放入神器裏面，再喺神器度抽出一個拾便袋，然後用個膠袋嚟包起啲便便，再放喺便便收集箱就搞掂，而用完啲膠袋仲可自行購買膠袋補充再用添！咁處理真係乾手淨腳，又唔會整污糟對手同周圍嘅地方喎。