政情：郭偉強返工做埋湊仔公
香港人生活忙碌，有時好難同時兼顧家庭同工作，立法會議員郭偉強尋日變身湊仔公，帶咗三歲嘅仔仔一齊去立法會返工，陪到仔仔之餘又冇耽誤工作。佢仲好貼心咁話，媽媽平日湊住仔仔都非常攰o架啦，就等媽媽抖吓，等自己湊仔。
立會平台外互追逐
喺郭偉強個Facebook可以見到，佢同仔仔喺立法會大樓五樓平台外追逐、擊掌，父子都好互動，亦玩得好開心，場面十分之warm。
同佢傾到擔唔擔心呢排嘅示威遊行阻到佢，佢就話都會揀冇遊行嘅日子先帶仔仔出去玩，加上自己工作都好忙，喺尋日返立法會都係處理吓文件，先有時間帶住仔仔去立法會行吓咋！最後夜晚帶咗仔仔去參加漁民團體嘅活動，兩仔爺真係玩到流連忘返喎。