政情：藍衣人襲市民 處理差劣捱轟 荃灣區議員促警現身交代

斥猶如元朗襲擊翻版

阿Roy尋日喺一個記者會上就提到本周一晚上荃灣藍衣人襲擊市民事件，鬧爆警方當晚嘅安排未如理想，猶如上月廿一日晚，元朗白衣人追打市民事件嘅翻版。而說時遲，那時快，阿Roy已聯同荃灣區議員李洪波、陳琬琛、黃家華，一同去信黃偉傑，要求區議會開會兼召警方到區議會交代，檢討當晚安排。

其實阿Roy早前都要求過喺荃灣區議會討論政府修訂《逃犯條例》事宜，但被拒絕，今次唔知佢可唔可以成功爭取喇！不過，話晒今次襲擊市民事件都係喺荃灣發生，如果咁都唔可以喺區議會討論，黃偉傑都要畀個合理解釋至得。