政情：唔信登月陰謀論 梁偉明：懷疑非壞事

梁偉明曾多次率領參與「少年太空人體驗營」嘅中學生造訪內地航天工程，咁多年來到底有無學生同佢討論登月嘅謎團呢？佢就話無，不過同事間就曾經探討過呢個問題，自己就相信人類有去月球。理由係美國雖停止派遣太空人踏足月球多時，但當年阿波羅計劃喺月球表面遺下嘅着陸器，後來嘅繞月衞星仍然拍攝得到，況且登月陰謀論者提出嘅質疑，好多都得到科學家嘅解答。

「猜測止於確鑿證據」

佢又話，具有懷疑精神並非壞事，不過一切猜測都應該終止於確鑿嘅證據。講起探索月球，佢期望本月底能夠到訪北京國家天文台，睇吓嫦娥計劃傳回地球嘅月面數據同影像。