政情：公民講場：土地改劃歎慢板 安居難市民嗌慘

本港房屋供應不足都唔係咩新鮮事，基層面對租金貴、買樓難問題，唯一出路就係依靠公營房屋。有報道指政府去年計劃將九幅打算出售嘅喺啟德同安達臣道土地，改撥作公營房屋用途，以增加公營房屋，點知進展比預期慢，至今政府同房屋委員會及房屋協會仲係停留喺擬定地契條款階段，睇怕都有排搞喇。覓地發展興建房屋係發展局局長黃偉綸嘅職責，不過如果佢歎慢板、懶懶閒，由得啲地喺度曬太陽，就真係難為等上樓、望有個安樂窩嘅小市民喇。