通宵舖店員自危 嘆治安日差

「人身安全要緊」

「成日都有啲南亞裔喺度聚集，有啲仲會偷嘢！」在油麻地廟街一間便利店通宵工作的曾小姐，工作期間不時遇到偷竊事件，她多次與涉偷竊的南亞人理論，更曾窮追對方一條街，惜仍被對方逃去，「雖然公司同店主都有指引，叫我哋遇到劫案時唔好反抗，應該以人身安全為首要考慮，不過見到有人偷嘢唔通唔理咩！」她表示，公司一般會承擔失竊的損失，但如較貴重的東西被偷走，如煙酒等，職員也要「孭飛」。

收舖遭截停索錢

在元朗經營小食店的肥媽，由於店舖位於後巷旁附近，凌晨收檔時曾兩次被人「截停」索取金錢。近期，店舖旁更兩度發生劫案，令她大嘆治安變差：「呢幾個月附近多咗好多生面嘅南亞人，佢哋左望右望，好似搵目標咁，冇幾耐就有女仔畀南亞人搶嘢！」

「成日都有人嚟我間舖偷嘢，夜晚嗰陣就特別多。」經營水果店的解先生指，曾有一名懂廣東話的非華裔男子，於店內偷香蕉，被他發現後，即推說欲購買多種生果，但其後卻放下香蕉離開。他曾於店內安裝攝錄機，但發現即使拍下盜竊行為，亦難以追究損失。

警方發言人表示，前年涉及店舖盜竊數字為八千九百九十五宗，去年則增至九千七百二十二宗。至於行劫，前年有三百零九宗，去年則有二百二十三宗。