政情：公民講場：球場管理差屢招罵聲 李美嫦抵食波餅

足球係香港熱門運動之一，不過想租個足球場嚟踢波實在係難過登天，康樂及文化事務署球場訂場機制一直為人詬病，尋日就有民間團體公布民調，當中有超過八成受訪者都認為租場相當困難，要求康文署以收取按金打擊炒賣硬地場紙、按唔同團體劃分租用優次，以及安排配額抽籤等。其實康文署球場問題又點止難租咁簡單，球場質素參差亦一樣被人鬧爆。康文署署長李美嫦真係抵食波餅喇。