政情：今日你上鏡：陳志全同男模手拖手 笑晒口任影唔嬲
台灣日前通過同性婚姻法案，同志已經可以喺台灣合法登記結婚喇。而本港首位「出櫃」嘅立法會議員陳志全（慢必）尋日就笑晒口咁公然拖住一名年輕美男子，仲任影相唔嬲，又話要買機票飛去台灣，唔通佢準備派「粉紅炸彈」？
留守議會 取消台灣之行
其實慢必只係出席一個同志活動，所以先同年輕男模手拖手大擺甫士影相啫。而佢本身飛去台灣，就係因為有唔少朋友近日擺酒，所以要飛過去。不過因為近期要留守議會，所以就未有成行。
講到本港性小眾，慢必就批評政府唔將性小眾平權放在眼內，希望大家繼續行出嚟爭取，總有一日可以喺自己土地上，拖住鍾意嘅人行入婚姻登記處喎。