政情：今日你上鏡：陳帆封口唔講點追太太

運輸及房屋局局長陳帆平日多數單拖出席酒會，不過佢早前就罕有地帶埋太太Audrey一齊喺公開場合出現，影相仲自動自覺翹手，真係相當恩愛。陳帆講起佢同太太已經結咗婚三十幾年，太太退休前係喺非政府機構做行政人員，而佢就係喺做義工時認識太太嘅。被問到太太當年難唔難追，陳帆就即刻大笑話︰「唔講啦！」之後其座駕又咁啱到咗，兩人就雙雙上車離開喇。陳帆唔講點追太太，唔通其實係其太太追佢？