政情：潮流興玩「飛躍道」彭冲：安全堪憂
香港近年興起極限運動，其中喺建築群間攀爬同跳躍嘅「飛躍道」，更不時有短片上載到社交媒體。港協暨奧委會名譽顧問彭冲就認為作為一種運動，佢會對參與「飛躍道」嘅人士予以尊重，但若果漠視安全管理嘅話，佢就未必認同嘞！
背離有益體格原意
曾經係跳高運動員嘅彭冲話，跳高嘅高度縱使有限，但地面上亦都要鋪上軟墊以防萬一，然而似飛簷走壁嘅「飛躍道」，運動員一旦失手就可能對身體造成嚴重傷害，背離有益體格嘅運動原意。佢又話觀眾看在眼裏，係擔心飛躍道運動員嘅安全，多過為佢完成挑戰而喝采。
佢又說與其將危險動作放喺網上「呃like」，不如切切實實做好安全工作，運動員要長玩長有先至有機會不斷締造佳績。