政情：公民講場：八號幹線未用盡 運署亂點紅Van行

香港交通非常擠塞，但唔係所有路段嘅容車量都用盡，審計報告去年就批評運輸署冇善用八號幹線沙田段。結果運輸署後知後覺，近日倡議放寬紅Van使用沙田段，即係尖山隧道同沙田嶺隧道，仲講到可以紓緩獅子山隧道嘅擠塞添。如果可以紓緩獅隧擠塞，相信運輸署老早就放寬沙田段，唔使等到依家。查實由新界東出九龍的小巴只佔少數，所以分分鐘搞完一輪都係白做一場，運輸署署長陳美寶真係亂咁嚟。