政情：公民講場：明日大嶼「非用錢衡量」 黃偉綸肯出少半份糧？

香港土地房屋供應緊張，但唔代表政府為求解決問題就可以亂嚟，好似去年提出嘅「明日大嶼」人工島填海計劃，造價就相當昂貴，分分鐘高達一萬億元，掏空政府財政儲備。發展局局長黃偉綸尋日仲話，政府唔係一間公司，推展項目唔係用錢嚟衡量，而係視乎社會整體效益，唔通佢覺得倒晒啲錢落海都冇問題？查實政府嘅錢都係來自納稅人，市民唔會同你講心；如果唔講錢的話，高官又可唔可以出少半份糧呢？