政情：朝朝年糕當早餐 蕭嘉怡食到腸胃炎
政務司司長政治助理蕭嘉怡（Kathy）在剛過去嘅農曆新年，食年糕搞到腸胃炎，踏入豬年不久已經發高燒，而且食乜嘔乜，好彩唔使入醫院。佢曾被封為「地獄廚神」，唔通不但廚藝不精，就連衞生都搞唔掂？Kathy就話，今次出事皆因佢非常負責任，唔想做大嘥鬼而務求憑一人之力將一底年糕食晒，結果食到腸胃炎。
大嘆嘔完都冇消瘦
Kathy解釋，全家只得佢一個人食年糕，搞到一底年糕要由農曆年三十晚食到新曆二月十四情人節，由於年糕有人煎埋畀佢食，每朝都食幾件當早餐，維持超過一星期，估計年糕放太耐變質出事，但已經證實唔到。佢仲大嘆嘔完一輪都冇消瘦，事關農曆新年食得多嘢喎。