政情:公民講場:陳肇始加床唔加人 護士工作量大增

流感高峰期,縱使醫院管理局已喺各間公立醫院加咗病床應付,但仍然逼爆。立法會衞生服務界議員李國麟尋日鬧爆加床唔加人手,令到護士工作量大增,有護士組織更計劃去政府總部請願,反映前線護士嘅工作苦況添!老實講,每年流感高峰期,醫院都倒瀉籮蟹咁,鬧極都冇改善,皆因公立醫院十個茶煲兩個蓋,長期都紓緩唔到,唔通做過護士嘅食物及衞生局局長陳肇始唔知,抑或係冇眼屎乾淨盲呀?

第一手消息請下載on.cc東網iPhone/iPad/Android/Windows Phone Apps