政情：公民講場：電子書使用率低 楊潤雄卸膊學校

政府搞創科一向都係唔湯唔水，好似教育局幾年前大推電子書，話要打破傳統書商壟斷嘅局面，兼且幫學生哥嘅書包減磅。點知近日就畀審計署批評，話當局使近億元搞資訊科技教育，但中小學使用電子書比率偏低，中四至中六更係一本電子書都無。教育局局長楊潤雄尋日回應話，要交畀專業決定，局方無訂下使用率目標喎。咁都得？使咗錢畀學校買設備，但就唔去檢視效果，出咗事就卸膊畀專業，睇嚟局長個膊仲斜過比薩斜塔喎！