政情：公民講場：黃偉綸公布填海無視專組 狡辯施政報告保密

土地供應專責小組嘅諮詢報告尚未出爐，政府就搶閘喺施政報告公布明日大嶼填海計劃，當專責小組冇到。至於點解政府有意見，又唔同專責小組講聲，發展局局長黃偉綸就狡辯話施政報告內容係絕密。政府係尊重專責小組意見嘅話，大可等小組發表報告後再公布填海計劃。不過，政府都唔係第一次當啲報告冇到，好似建議將特首納入防賄條例規管嘅防止及處理潛在利益衝突獨立檢討委員會報告、政府委託學者做嘅退休保障未來發展報告，都係做咗等於冇做，即係政府唔啱用嘅報告就當睇唔到，甚至當報告唔存在囉！