市建局上年度盈餘達一百二十億元，較對上一年大增近三倍，資產淨值達四百四十六億元，兩者皆創新高。市建局主席蘇慶和話盈餘可能已達頂峰，再加上樓市已到高峰，日後透過出售樓宇未必同樣賺大錢，加上未來開展項目，收購價錢達數以百億元計，有機會需要借貸添！外界一直批評市建局出售「天價樓」，間接推高樓價，依家有咁多盈餘可謂賺到笑，可能蘇慶和都知道好難開脫，所以唔單止封定後門話未必有錢賺，仲講到將來有財政危機，都只係做期望管理啫，有幾多人信吖！
