政情：游蕙禎避忌 謝絕議員公務探訪

唔想畀人話坐風流監

游蕙禎因衝擊立法會而被裁定非法集結罪成，喺今個月初被判入獄四星期，目前正喺羅湖懲教所服刑。有議員話喺尋日去過探游蕙禎，形容游身體同精神都好好，依舊靚靚喎。不過，游蕙禎就謝絕公務探訪咁話，因為唔想監倉內其他人要工作，佢就有得行開。咁講，明顯係唔想再引起公務探訪嘅爭議，畀人話坐風流監喇！

另外，該名議員又引述話，游蕙禎會繼續裝備自己面對未來。其實游蕙禎Facebook喺上星期初都有更新，並上載咗佢親筆撰寫嘅文字同繪圖，畫上八個笑臉同寫住一切安好，仲話「我適應到」。