中環出更：李永達六日內兩度密會漢奸黎
向來同泛民主派關係千絲萬縷嘅壹傳媒黎智英（漢奸黎），經常喺其位於何文田嘅寓所同泛民中人密會攪局，有「李漢奸」之稱嘅民主黨（白鴿黨）創黨主席李柱銘、立法會前議員李永達（高達）同一名神秘男子尋日中午又到黎宅，同漢奸黎密會約兩個鐘，係六日內第二次！高達冇得做議員後，再冇資格喺立法會發言，唯有周圍「抓撈」，淪為喺網台開咪，最近仲幫啲黑社會人士搖旗吶喊、打鑼打鼓發聲，又亂噏詆毀人。高達近日咁頻密同漢奸黎密會，唔知係咪因為同呢件事有關呢？係咪去收柯打搞事呢？
半年內至少去七次
高達等多名白鴿黨「老鴿」周不時都去漢奸黎屋企密會，過去半年去咗至少七次，近日就見得相當密，六日內見兩次！繼上周四同李漢奸、高達等人密會後，近日曾離港嘅漢奸黎喺尋日下午約一點半，乘坐房車回到黎宅，其後李漢奸同高達則乘坐一架七人車抵達，兩人同一名神秘男子落車後就進入黎宅。眾人逗留咗約兩個鐘頭之後，李漢奸同高達等人上咗七人車離開，當時高達就坐車頭駕駛座旁邊嘅座位，而漢奸黎就坐另一部房車離開，返回壹傳媒大樓。
話時話，高達自從二○一二年立法會換屆選舉敗選之後，只能夠周圍「抓撈」，曾經幫過同漢奸黎、李漢奸同屬「搞事四人幫」成員、有「民主阿婆」之稱嘅前政務司司長陳方安生打工，喺由民主阿婆成立、漢奸黎有份資助嘅議政平台「香港2020」任職。隨住民主阿婆乾塘，高達頓變失業，依家就喺網台亂噏當秘笈。日前佢仲喺網台幫啲黑社會人士搖旗吶喊、打鑼打鼓添！
高達呢頭喺網台節目為黑社會人士發聲、宣傳，嗰頭密密同漢奸黎會面。高達同漢奸黎關係咁密切，當中有冇關係真係佢哋先知喇。高達今次見漢奸黎，唔知係咪去收指示呢？
卓妮