政情：公民講場：公院逼爆「始」 做嘢局長後知後覺

流感大爆發，病人逼爆公立醫院，而中文大學醫學院院長陳家亮就撰文形容公院嘅狀況混亂如同「街市」，又似「戰場」，病房情況就好似回到八十年代，仲話醫護人員喺咁樣嘅環境下工作，就好似計時炸彈，何時引爆，只係遲或早嘅問題，意指出錯似係無可避免。依家病房嘅混亂情況回到幾十年前，拖到近排爆煲，食物及衞生局局長陳肇始先話增撥資源以紓緩醫護人員嘅壓力，陳肇始根本就係後知後覺。