政情：今日你上鏡：王庭交中年發福 似足阿哥

早前喺一個活動見到南旋集團主席王庭聰，上前同佢打招呼時望真啲，咦？佢好似高咗又白淨咗喎，其實佢係王庭聰細佬王庭交，兩人樣貌幾可亂真。王庭交笑言成日被人認錯，記得五年幾前哥哥首次參選港區全國人大，投票日佢都去支持，期間有選委主動同佢握手話支持佢喎。咁兩兄弟細個有冇貪玩調換身份整蠱人？佢笑稱細個兩人反而唔似樣，係四十歲後中年發福，先至會愈嚟愈似啫！