政情：段崇智巧遇四十年前「屈蛇」宿友

隨即約胡永泰歎點心

段崇智透露，當年佢喺紐約洛克菲勒大學做緊博士研究，聽到有朋友幫人搵宿位，而咁啱佢宿舍仲有空間，於是一口答應，對方就係胡永泰。不過當時佢成日掛住喺實驗室做嘢，同呢位「蛇友」交流唔多，唔算認識好深，淨知對方係美國Swarthmore College嘅馬來西亞華裔大學生，冇諗過幾十年後，雙方會有機會合作。

久別重逢當然要聚一聚，段崇智隨即約埋胡永泰去歎中式點心，細訴當年逸事，仲話估唔到自己當年一個舉手之勞，胡永泰一直都記住喺心。