政情：聲稱百倍奉還 莫乃光得個講字

呈請書遭否決 反鬧建制

此話何解？因為經過修改後嘅《議事規則》，通過提交呈請書嘅門檻由二十人增至三十五人，即使民主派有二十一人站立支持，由於未達三十五人門檻遭否決，其實未表決前，民主派都知交呈請書肯定被否決，此舉擺明係「撼頭埋牆」，示威變示弱喇！

民主派喺提交呈請書遭否決後會見傳媒，其中莫乃光繼續死撐，話今次提交呈請書係純粹禮貌地提出一個同一國兩制、《基本法》、香港法治地位重要性有關嘅議題，希望同政府有正面溝通同合作。佢之後口風一轉將矛頭指向建制派，話提交呈請書遭否決可見建制派漠視問題，對此感到遺憾。

一句到尾，民主派即使繼續死雞撐飯蓋，都改變唔到《議事規則》部分條文已被修改嘅事實，若然民主派以為可以繼續以過去嘅拉布手段以至抗爭手段於議會內有作為，就真係太天真、太傻嘞！