為咗壓抑樓市炒賣，政府多次加辣，但樓價就屢創新高，財爺陳茂波（波叔）尋日終於承認依家嘅樓價已超出一般市民嘅負擔能力，一旦息口上揚，將會增加供款人嘅負擔，情況令人擔心。其實商界早就要求政府減辣，身兼行政會議成員嘅立法會商界議員林健鋒可能唔想政府尷尬，搞爛Gag話唔知香港人係咪食得辣，政府愈辣樓市就愈升。林健鋒就話輕輕噬吓政府算數，但依家買咗樓嘅變樓奴，基層就上唔到車，早就(興)到噴晒火喇！
