政情：有相為證：黃錦星 陸恭蕙再度合作「救地球」
環境局局長黃錦星日前喺Facebook話要去「救地球」，原來係去睇一齣環保喜劇《今晚救地球》，然而黃錦星去捧場，唔單止係因為齣舞台劇係講環保咁簡單，其中一個矚目之處就係呢齣舞台劇邀請到環境局前副局長陸恭蕙客串演出！黃錦星同陸恭蕙話晒都共事過幾年，唔知黃錦星知唔知陸恭蕙原來都有戲癮嘅呢？
除咗陸恭蕙粉墨登場外，黃錦星亦應邀成為首場演出後嘅座談會嘉賓，所以今次算係陸恭蕙離開政府之後二人再度合作推動環保。
出席舞台劇宣揚環保
此外，呢齣劇都邀請咗唔少重量級嘉賓，例如天文台前台長、香港環境運動委員會主席林超英、「低碳亞洲」主席莊陳有等出任顧問團，成個班底都係環保人士，唔怪得黃錦星一定要去支持啦！