政情：公民講場：梁愛詩暗批泛民諗嘢怪 一地兩檢複雜化

全國人大常委會尋日開會，開始審議高鐵一地兩檢合作安排。基本法委員會副主任梁愛詩會後話，審議過程相當順利，會內冇人就高鐵西九龍站實施一地兩檢提出質疑，因此列席會議嘅港府官員同港區人大代表亦毋須解答任何問題。佢仲話，其實係得香港先有人提埋啲古古怪怪嘅問題，將一地兩檢複雜化。詩姐好明顯係講緊班將一地兩檢講成「割地」嘅民主派，暗批佢哋諗嘢古古怪怪。