政情：今日你上鏡：馬時亨陳茂波冬至齊唱聖誕歌

兒童發展配對基金每年聖誕都搞頌歌節，一班小朋友會喺港九新界唔同熱點唱歌，尋日就輪到喺中環一個商場舉行，財政司司長陳茂波、港鐵主席馬時亨、證券及期貨事務監察委員會主席唐家成、保險業監管局主席鄭慕智都有出席，同小朋友齊齊唱歌！咁啱尋日係冬至，馬時亨就被問到做冬會否煮飯畀家人食，點知佢就話自己少落廚，如果佢煮嘅話，「唔好話做冬，飯都冇得開」喎，認真風趣。