政情：「保證一定有水準」 侯志強自認粗口教授

同練功夫一樣 唔隨便出手

侯志強講起有大學導師教粗口，佢就話自己唔係要認叻，如果講到講粗口，「我都可以做教授o架，係真o架！」佢話講粗口同練功夫一樣，唔係隨便出手，如果練開功夫隨便出手，好易傷到人，隨時犯法坐監，相信大家都未聽過佢講粗口，但係如果佢一講，夠膽保證一定有水準。

講完有水準之後，佢又同各位家長講，如果要學粗口，唔使讀大學，去上水跟佢學就得嘞，佢免費授課，但係如果家長想仔女日後成為社會棟樑、國家棟樑、有用嘅人，返大學就要乖乖哋讀書，唔好搞亂社會，否則喺學校浪費青春，咁又點成為棟樑呢。