政情：月（逗）16萬元酬金 張國鈞謙稱小中產

張國鈞謙稱自己係小中產。

林正財指頂得住「熱廚房」

另一行會新貴安老事務委員會主席林正財表示，過去一直有同候任特首林鄭月娥合作聯絡，大家理念相近，所以對方一邀請佢加入行會，佢考慮咗幾日就答應。佢又形容依家政府「熱廚房」嘅溫度仲算抵受得住，未到「火山爆發」嘅程度喎。

• 林正財認為現時政府熱廚房仲未好高溫。

已夠鐘攞長者卡嘅新任行會成員工聯會黃國健就話，過往一直做開工會領導同立法會議員，經常批評政府，依家加入行會難免有少少角色衝突，任命一宣布佢已感到壓力。如果將來政府同行會嘅決定，與工聯會同勞工界嘅立場唔同，佢可能會喺立法會投票時避席。