港府將覓地建屋工作嘅重要性時常掛喺嘴邊，有政府高層早前更預告房屋供應嘅「滯後效應」今年將會湧現，但數據就係最客觀嘅量度指標，據報二○一七至一八年度可供編配公屋單位較去年大減兩成半，只可提供逾二萬五千個單位，當中多於一半係靠翻新公屋單位「填數」。依家政府覓地建屋工作不似預期嘅印象躍然紙上，房屋署署長應耀康唔好諗住有幻想可以度橋自圓其說，都係一五一十交代未來可提供公屋單位數目嘅真實情況吧！
