立法會工務小組委員會聽日會再審議啟德體育園項目，足總副主席貝鈞奇尋日就呻話等咗十七年，由五十歲都已經變咗就嚟七十歲，等得有啲唔耐煩嘞！老實講，呢個計劃拖咗咁耐，負責呢瓣嘅民政事務局局長，由藍鴻震、林煥光、何志平、曾德成到現任嘅劉江華，足足換咗五個人喇，仲只係停留喺申請撥款階段，都唔知政府搞乜？若果啲政黨同政府講唔掂數，分分鐘又唔知要拖幾多年，體育界唔火起先奇！
