探射燈：專家教路 暖風「逼出」甲醛助消散
家具釋放甲醛和其他揮發性有機化合物，市民可以如何自保？室內空氣處理顧問黃勁松建議，住戶可經常打開門窗，加強室內通風，讓鮮風將釋出的毒氣帶離屋內，「就算唔方便打開門窗，最低限度都要經常開住廁所同廚房嘅抽氣扇，一頭半個月之後會慢慢發覺陣味會細咗。」
選購歐洲貨「買個安心」
黃又指，甲醛的來源大多是屋內家具使用的黏合劑或油漆，而熱力會增加其釋出速度，故建議住戶可在外出前，打開所有窗戶、櫃門和抽屜，然後開暖風機並對準相關家具，「逼出」甲醛，「呢個方法有效加速甲醛消散嘅速度，但記得屋內千祈唔好有人同要打開窗，如果唔係好易會焗親。」
「揀傢俬嗰陣不妨留意吓來源地，歐洲貨貴就貴啲，但歐洲標準就最嚴謹，亦即係最安全。」為免中招，黃又建議市民在經濟能力許可下不妨選購歐洲貨，算是「買個安心」，而材料方面則可選擇以原木製成的家具，「原木一塊過，唔使用膠水將幾塊夾板黐埋，自然唔會有甲醛。」