中環出更：漢奸黎赴美返港 密會三老鴿畀指示？
壹傳媒黎智英（漢奸黎）早前高調到訪美國多個「紅色」州份，同美國新任總統特朗普嘅支持者會面，前後去咗十日共十個城市，佢又喺旗下報刊公開為特朗普「擦鞋」，直至本周一晚上才返回香港。尋日中午，漢奸黎喺滂沱大雨下同外號「李漢奸」嘅民主黨（白鴿黨）創黨主席李柱銘等三名「老鴿」密會搞搞震，長達約三小時。其實今次四人密會時間之長，令人聯想漢奸黎赴美後係咪收到指示，要向三名「老鴿」轉達訊息再攪局？
尋日中午十二時左右，漢奸黎旗下嘅七人車返抵何文田寓所，當時正落大雨，司機先行落車並打開紅色雨傘，三名白鴿黨前主席包括李漢奸、何俊仁（AV仁）同李永達（高達）先後低頭急步進入漢奸黎寓所。
今次包括漢奸黎在內嘅四人密會喺下午約兩點五十分結束，前後約三小時。漢奸黎旗下嘅七人車隨後接載李漢奸等三人離開，首先係AV仁同高達喺金鐘統一中心附近落車，兩人甫落車就一個向左走，一個向右走離開現場。其中臉紅紅嘅高達，被問及同剛從美國返港嘅漢奸黎傾咗乜嘢，佢冇回應就離開，而最後落車嘅係李漢奸，直接返回其位於半山嘅寓所。
陳方安生宣布下月中搞論壇
另一邊廂，「民主阿婆」前政務司司長陳方安生尋日宣布有新搞作，由佢牽頭嘅「公民實踐培育基金」將於下月中舉辦名為「2047：香港何去何從？」論壇，最令人意想不到嘅係，據報前立法會主席曾鈺成應邀擔任講者，同場講者仲有李漢奸、立法會議員羅冠聰等。
民主阿婆會見傳媒時繼續「唱衰香港」，聲稱於過去二十年，「一國兩制」不斷變質及變形，令港人擔心未到二○四七年之時，香港已經變成「一國一制」，因此要討論香港於二○四七年何去何從。話時話，漢奸黎赴美回港後，民主阿婆就宣布會搞論壇討論二○四七年問題，話佢哋唔係眉來眼去，密謀搞事都冇人信嘞。
卓妮