中環出更：撰文罵戰 何君堯告任建峰誹謗

任表示詫異同失望

任建峰尋日喺facebook（fb）話，何君堯已對佢採取法律行動，又話「對於因在公眾記錄上記載的事情發表意見而被一名公眾人物控告感到詫異和失望」。佢更話，唔會因何君堯嘅行動，而停止呼籲律師會會員唔好投票畀佢，並會繼續支持佢曾推薦嘅候選人。至於今次法律行動將交由代表律師處理，現階段唔會再作評論喇！

何君堯就話任建峰發表言論嘅時機同選舉有關，而言論只有誹謗一個目的，就係要令佢失去會員支持，而有關言論令佢覺得係惡意、鹵莽，以及並非出自真誠。

其實何君堯喺任建峰嘅文章刊登當日，已經喺fb反擊指「看不出有任何角色衝突」，佢當時已要求任建峰立即收回所有誹謗言論，以及作出合乎佢要求嘅道歉聲明。

卓妮