政情：曾玉安綠化村落 獲梁福元贈樹苗

盼吸引更多遊客

沙頭角鄉事委員會副主席曾玉安透露，梅子林村中嘅農地已經棄耕多時並生滿雜草，所以就打算重新種植果樹，希望可以美化鄉村景色，亦有助管理農地。而佢知道梁福元種植開唔少果樹，於是問佢國內邊度有得買樹苗，點知梁福元深感梅子林村荒廢多時，就向佢送上逾二百棵樹苗。

曾玉安話上年已種植幾棵梅子樹去象徵該村，而今次佢哋就種咗碌柚、柑同沙糖桔三款果樹，預計兩年多後會有收成，希望到時可以吸引更多遊客。佢更話，有更多人流政府先有理由向鄉郊投放資源，鄉郊配套同基建先能夠改善，希望梅子林村能作一個示範，令其他鄉村都考慮開放畀遊客參觀。