話口未完，喺前特首曾蔭權爵士任內構思及獲批逾十五億元購置嘅新空管系統再爆甩轆事件，有民航處消息人士爆料，指今年一月農曆新年航班高峰期期間，發生至少六宗「航機飛行間距不足」安全事故，有關注團體怒轟民航處前處長羅崇文好大喜功「買錯嘢」，質疑該處高層一心想瞞天過海。眾所周知，羅崇文任內被猛烈批評係大花筒，竟然買咗新空管呢舊垃圾返嚟，完全罔顧航空安全，認真抵打。
