為近安娜好想開波！

美臀美乳

相信絕大部分男人都鍾意欣賞巨乳，故寫真女郎如果想爭取人氣應當有胸谷胸，如果冇的話亦唔緊要，因為男人亦鍾意睇美腿同美尻。近年有好多日本寫真女郎上圍欠豐滿，亦一樣可以盡吸人氣，好似有「尻職人」之稱嘅倉持由香、賽車美人安枝瞳以及已經嫁人兼生仔嘅秋山莉奈等等。除咗佢哋之外，為近安娜一樣以「股」成名！

安娜樣子精靈可愛，但係面帶天真氣息同時又散發出一絲絲姣味，一副嗲精相貌叫男人不能自已。至於點解話安娜靠股成名呢？皆因佢個35吋玉臀又圓又挺又光滑，而比起其他同樣以美尻作為賣點嘅女優，更勝一籌之處在於同時擁有一對分量十足嘅D Cup美乳，前前後後都咁有睇頭！

棒球粉絲

安娜現年24歲，但係佢已經出道咗好多年，喺讀高中嘅時候已展開模特兒工作，為時尚雜誌《DeView》拍攝時裝照。冇幾耐之後，精靈活潑又人靚聲甜嘅安娜，被挑選成為美少女組合「愛少女★DOLL」嘅成員，之後又輾轉成為「Doll Elements」、「pure carol」嘅成員，發揮個人活力同歌喉。喺2012年，安娜可能因為長期休息不足，搞到喉嚨出現問題，需要好好休養，而喺休養期間，安娜嘗試為組合作曲同作詞，發揮才華。另外，自小學習芭蕾舞嘅佢善用深厚舞藝，負責組合嘅排舞工作，認真多才多藝。

不過，講到安娜嘅最愛就唔係跳舞而係睇波，阿妹係日本職業棒球隊伍養樂多燕子隊嘅超級粉絲，除咗連續兩年豪花60萬日圓購買年票入場睇波，更加視球隊嘅隊員西田明央為結婚對象，而佢今年嘅願望亦同愛隊有關，就係好想擔任球隊嘅比賽開球禮嘉賓喇！希望阿妹願望成真啦！

社交網站

簡介：為近安娜喺上年年中小休咗半年，近兩個月至全面復出，工作亦愈來愈多，大家想緊貼安娜嘅最新動態，就要Click上其Twitter睇睇喇。

網址：https://twitter.com/anna_tamechika?lang=ja

為近安娜Profile

年齡：24歲

身高：5呎3吋

三圍：33D-24-35

撰文：賢