政情：朱凱廸着「垃圾」衫 反映浪費

網民建議捐畀露宿者

朱凱廸同班義工身穿「維他奶制服」，合照並上載至社交網站facebook，唔少人讚佢善用資源，仲講笑叫佢着呢啲衫去立法會，但亦有網民認為佢嘅做法會令其他公司日後先剪爛制服再丟棄。有網民話唔少團體同企業都會免費派衣服，慨嘆做法浪費，建議朱凱廸將拾獲嘅衣物捐畀露宿者。

維他奶回覆傳媒查詢時，對有維他奶宣傳物品喺年宵市場結束後出現嘅情況非常重視，並指已內部檢討，並希望相關嘅義工盡快安排上門取回衣服回廠清潔，並於日後循環再用。