中環出更：示威者上門 毆漢奸「黎狗」洩憤
壹傳媒黎智英（漢奸黎）神憎鬼厭嘅程度係打小人都唔夠，而要當佢沙包咁打、當狗咁拖？尋日再有示威者到漢奸黎何文田寓所外示威，佢哋唔止帶咗示威標語，同高呼「黎智英真無恥」、「剷除漢奸黎智英」、「壹傳媒大話精」等口號，仲將印有漢奸黎肖像嘅布公仔掛喺燈柱外扑打。下午更有示威者將貼咗漢奸黎肖像嘅吹氣狗拖行到黎宅，又騎住「黎狗」兼起飛腳洩憤。
宅外踩氣球叫口號
尋日朝早十一時許，約卅名男女往黎宅示威。示威者高舉「千古罪人黎智英」、「黎智英大魔頭」等示威牌，嗌咗一輪口號，就將印有漢奸黎公仔頭像嘅氣球放喺黎宅門口用腳踩爆，再將印有漢奸黎肖像及寫有「千古罪人」嘅布公仔懸掛喺附近嘅電燈柱，並用力扑打洩憤。
到下午三時許，再有示威者拉起寫上「黑金亂港、黎狗無恥」嘅橫額，並拖住吹氣狗到黎宅。其中有人騎住「黎狗」，又對「黎狗」拳打腳踢。示威者逗留咗約十五分鐘先離開。針對漢奸黎嘅抗議行動不絕，由上月十日起，於其寓所及壹傳媒大樓外嘅抗議最少達廿四次。
卓妮
