政情：八網難逃：天文台壞機荃灣驚現0.7℃
近日寒流襲港，尋日凌晨更有市民透過香港天文台嘅手機應用程式，睇到荃灣區氣溫跌至只得攝氏零點七度，該區全日氣溫介乎攝氏一度至十九度，一日內溫差有成十八度，相對濕度則高達百分之一百，真係嚇死人！但原來事件係由天文台「甩轆」所致，香港氣候仲未去到咁極端。
已即時派人搶修
發現今次「極端氣溫」嘅荃灣居民葉先生表示，當佢透過手機，見到荃灣區氣溫跌至接近零度時，自己真係嚇咗一跳，反問係天文台出錯，定係佢身體出咗問題，因為自己當時唔覺得好凍。天文台接受查詢時，就證實只係一場誤會，原來位於荃灣嘅數據收集站尋日出現故障，令錄得嘅數據有偏差，已即時派人搶修。