政情：林毅夫籲年輕人習史
公開大學日前舉行畢業禮兼頒授榮譽博士學位予四位傑出人士，包括獲頒榮譽文學博士學位嘅香港教育學院前任院長許美德，及獲頒榮譽社會科學博士嘅世界銀行前任高級副行長林毅夫。林毅夫認為，香港學生近年多咗參與政治議題及活動，代表佢哋有夢想及關心社會，但認為年輕人同時要知道內地發展與香港息息相關，要多了解歷史，清楚點樣先會對自己及香港最好。
至於操一口流利粵語嘅許美德就話，佢於香港生活咗十七年，上海同北京亦分別工作及居住咗兩年，深深感受到內地教育和香港教育上的不同。對於全港性系統評估（TSA）備受爭議，佢話香港教育受到英國教育模式影響，相比起其他地方更着重學生入唔入到大學，而內地教育就與法國、德國或蘇聯較相似，佢認為香港可以融合中西兩方嘅教育模式，改變制度同時考慮傳統教育嘅好處。