政情:公民講場:電腦保安豆腐渣 楊偉雄難逃問責

最近港珠澳大橋香港接線駐地盤工程顧問公司嘅電腦系統被黑客入侵,然後仲勒索顧問公司。用埋呢啲豆腐渣級別電腦保安,有立法會議員尋日鬧爆路政署冇主動公開事件,仲拉埋早前選舉事務處載有逾三百萬選民資料嘅手提電腦被盜嚟講,跟住燒埋創新及科技局嗰疊,話創科局問完立法會拎錢,但連基本資訊保安工作都做唔到。依家搞到人心惶惶,睇怕創科局局長楊偉雄今鋪都有排煩喇!

第一手消息請下載on.cc東網iPhone/iPad/Android/Windows Phone Apps