有旺區商場只減新租戶租金，曾共度時艱的舊租戶卻未有受惠，大批舊租戶相繼離場，令商場人流更淡。地產界人士指出，由於零售業不景氣，預料減租潮將會持續，以挽留一眾小商戶。
旺角一個商場今年初曾減租，近日再掀起減租潮，減幅約四成，惟今次舊租戶卻未能受惠，租約一滿，舊租戶紛紛離場，近日便有約十五間店舖相繼結業。在三樓開設服飾店的王小姐指，近日商場整體人流大減，生意額少了一半，現時轉為在家工作，毋須再負擔昂貴舖租，又毋須擔心人流。她提到，以往三樓租金需二萬多元，現時商場主動減租至一萬多元，「不過呢啲優惠都唔係畀舊租戶，只係新租戶，就算我哋換舖，都冇得用呢啲優惠，好多舊舖都係因為簽咗死約，頂埋落去。」
「商場空置率係高咗，大型連鎖店會選擇重整業務，減少分店，而細嘅店舖因為生意差而離場唔做。」美聯工商舖行政總裁黃漢城指出，商場減租確實可挽留租戶，「因為搬遷嘅費用好貴，所以好多時租戶見商場減租都會選擇留低。」黃預料零售業持續低迷，減租潮將會延續至明年。