政情：旅議會查薪短訊 惹電騙疑雲

指應鄧家彪要求做民調

不過，旅議會總幹事董耀中接受我哋查詢時，證實有關短訊的確係由佢哋發出，並非電騙。至於點解要擺鄧家彪上枱，董耀中指對方早前同過旅遊事務專員開會，提出本港領隊收入不穩定，要求進行相關調查，旅議會諮詢私隱專員意見後，決定抽樣發短訊畀全港領隊，由佢哋自行決定是否回覆問卷。

有業界人士就指出，旅議會今次擺鄧家彪上枱，可能係為免被指益自己友。須知立法會選舉仲有一年就舉行，旅議會為領隊收入做民調，好容易會被人質疑想籠絡人心、曲線拉票，因此先要講清講楚係應他人要求進行調查。