公民講場：泛民濫打種票 隨時有「選」失

二○一一年區議會選舉爆出連串種票醜聞，當時嘅矛頭直指建制派政團。新一屆區選臨近，多個泛民政團食髓知味，早前紛紛向選舉事務處舉報多區嘅可疑選民登記個案。然而經過法庭審理後，發現唔少投訴都係「殺錯良民」，令大批守法選民無辜惹上官非，要親身上法庭自證清白。有份「闖禍」嘅民主黨副主席尹兆堅尋日會見記者時，仍死撐自己及黨友冇濫用投訴機制，拒絕公開致歉。今次事件隨時反過來影響泛民候選人嘅選情，真係抽水變捉蟲。