去年佔領行動期間，泛民主派議員多次被發現濫用立法會資源，包括帶佔領人士到立法會沖涼、過夜、打邊爐，甚至運燃油發電機入立法會倒電油等，搞到立法會好似「無掩雞籠」咁。根據立法會議員開支津貼申報，公民黨毛孟靜（阿毛）竟然喺去年十月佔領行動期間，分別花近二千元購買帳篷組合，以及花五千五百元購買1000Ｗ嘅燃油發電機，阿毛解釋上述用品係用於街頭論壇同其他戶外活動喎。不過，撞正喺佔領期間購買呢啲嘢，難免令人聯想有人濫用公帑支持佔領行動囉！
