政情：卸任感言：「私隱不保 礙言論自由」

個人資料私隱專員蔣任宏完成五年任期，卸任前喺專員網誌發表離別感言。佢話私隱同言論自由唔會互相牴觸，反而互為補足，如果私隱保障無做好，仲會妨礙言論自由添。佢以廣西社團總會上載學生對政改睇法，最後令學生飽受網絡欺凌做例子，證明私隱缺乏保障，令人難以追求理想嘅生活，最壞情況更會令大眾喺網絡同日常交往都唔可以暢所欲言，真正危害言論自由和民主社會嘅基礎。